'n Fikse liggaam huisves 'n gesonde verstand

Ons bestuur probeer altyd om te lei deur ons voorbeeld (ek weet dit werk nie altyd nie, maar tog probeer ons!!)

En ons kyk altyd op na Mnr Van Niekerk as dit kom by 'n gesonde liggaam. Hy is 'n fietsryer van Formaat!! Vandag nog ry hy jong ouens, van sy kinders se ouderdom, met gemak onder die stof.
Ons is en bly baie trots op hom - veral ook noudat hy nie net meer figuurlik "Die man van Staal" is nie, maar met elke operasie al meer letterlik "Die man van Staal" word.
Mnr Van Niekerk, jy en Dr Solly, is vir ons mentors, ware leiers en selfs vaderfigure. Baie dankie daarvoor.

Corna en van die eenheidbestuurders besluit mos toe nou so paar jaar terug, maar hulle gaan nou nie vir "die baas" agteruit staan nie. En hulle besluit dis tyd om die 2-Oceans half maraton aan te pak.
Corna (wat mos maar 'n gebore reissies-kuiken is) vat voor, met Minnerie, Angie, Chrissie en Nadia (Minnerie se dogter) wat saam begin oefen.
Ou dikkes Botes neem dadelik die pos van afrigter in en jaag hierdie dames saans en elke Saterdag-oggend om 06h00 met die BMW Windhoek se bulte uit. Kyk, ek het hierdie storie ernstig opgeneem:
Ek het navorsing oor maratons en voorbereiding en nog wat op die intenet gedoen; roetes gemeet en beplan en dan agter die span gery om te sorg dat almal oefen, en niemand wegraak, afdwaal of "jippo" nie.
Nou, hierdie dophou het nogal ingewikkeld geraak, want daai jonge Nadia het weggespring en soos 'n vlakhaas gehol om klaar te kry; dan het Ma Minnerie en Corna uitgehaal (want hulle wou nie dat die "kind" vir hulle weghardloop nie!!) en Angie en Chrissie het hul eie pas gehad. Gevolglik moes ek jaag om vir Nadia in die oog te hou - terug jaag om te kyk of Minnerie en Corna se asems nog hou - en weer begin om te sien waar Angie en Chrissie is.
Dan as die span die laasste been huis toe begin vat, dan jaag ek vir 'n 24-uur kwikshop om sappe, muffins, en vrugte te koop. En gaan maak koffie ens by die huis om die moee atlete te voer voor ons die res van ons Saterdag aanpak.

  Ons het selfs 'n naweek in Swakop gaan "oefen" - groot pret en sport(s)!!

 

 
Paasnaweek 2007 vat ons toe die pad Kaap toe vir die 2Oceans. (En was dit nou 'n fees van 'n naweek).
Corna, Minnerie en Nardia hardloop die half maraton - en al drie voltooi dit binne die vasgestelde tyd.
Minnerie doen 'n ernstige besering op (gebreekte bekken) omtrent by die half pad merk; en sy en Corna maak saam klaar - met Corna wat haar die laasste 10km ondersteun eindstreep toe.
Ek en Angie kou naels terwyl ons wag dat ons atlete inkom.
By dit alles hardloop span Rhino Park nog vir Bybelverspreiding - en bring 'n mooi bedraggie daarvoor in.
Dames - weet net buiten dat dit 'n fees was, is ons steeds BAIE trots op julle. Welgedaan!!!

"Voorbereiding" in Kirstenbosch-tuine!

Die span is gereed vir die wegspring

Nadia maak klaar

Amper vergeet ek om die staaltjie te vertel:
Oppad Kaap toe, slaap ons by Noordoewer op die grens oor.

Corna & Minnerie maak klaar

Ons gaan eet die aand iets in die lodge se eet-drink-plek; en daar is so aangeklamde ou by die bar.

'n Trotse Corna met haar medalje

Elke keer as hy so in Minnerie se rigting kyk, dan wil hy net vir "Sonja Herold" 'n drankie koop!!!

Minnerie in die mediese tent

Minnerie, of moet ek se Sonja Herold, het die hele aand net vir hom weggehardloop.

 Nou wonder ek skielik of dit nie dalk die begin van haar besering was nie??!!

Ons WEN-span!!! Mooi so dames!!

Oppad terug het ons weer by Mariental oorgeslaap - en ons kamers het borrelbaddens ingehad. Nou kan jy mos sommer dink wat gebeur het. Ja, Angie-hulle het te veel seep in die borrelbad gegooi!! En die hele Mariental kon hulle hoor lag en gil toe die skuim die hele kamer vol loop!!